Home

Advertisement

post busadvert

 

125 LOGO125 years of Service

                                                              

 

we deliver small

ፖስታ ዜናዎች

 

 

 

 

የ125ኛ ዓመት የመታሰቢያ ቴምብር እየተዘጋጀ ነው

የኢትዮጵያ ፖስታ አገልግሎት ድርጅት የተመሰረተበትን 125ኛ ዓመት በማስመልከት የመታሰቢያ ቴምብር እያዘጋጀ መሆኑ ታወቀ፡፡
ድርጅቱ በ125ዓመታት ጉዞው በርካታ የመታሰቢያና የመደበኛ ቴምብሮችን ያሣተመ ሲሆን፣ በህትመቱ ከተዳሰሱት ጉዳዮች ውስጥም ታሪካዊ ቦታዎች፣ መልከዓ ምድራዊ አቀማመጦች፣ በሀገሪቱ የሚገኙ ብርቅዬ አዕዋፋት እና እንስሣት፣ ታሪካዊ ሁነቶች፣ የሀገሪቱ ታላላቅ መሪዎች፣ ፖለቲካዊ ጉዳዮች፣ የሀገሪቱ ታዋቂ ሰዎች፣ ኃይማኖታዊ ጉዳዮች፣ ስፖርታዊ ክንውኖች፣ ታላላቅ ጉባኤዎች፣ የተለያዩ ብሄረሰቦች አለባበሶች፣ አጋጌጦች፣ ጸጉር አሰራሮች፣ ምግቦች ወዘተ ቴምብሮችን አሳትሟል፡፡

1
ድርጅቱ 50ኛ፣ 75ኛ እና 100ኛ ዓመት የምስረታ በዓሉን ሲያከብር ቴምብሮችን ያሣተመ ሲሆን ዘንድሮም ይህን አስመልክቶ አምስት ዲዛይኖችን ለቴምብርነት አቅርቧል፡፡ በቴምብሮቹም አጼ ምኒሊክ ለአለም ፖስታ ህብረት ኢትዮጵያ የህብረቱ አባል ሀገር እንድትሆን የፃፉት ደብዳቤ፣ የሙሴ አልፍሬድ ኢልግ ምስል፣ የአጼ ሚኒሊክ ፎቶ፣ የድርጅቱ ዘመናዊ አሰራር እንቅስቃሴ እንዲሁም የጥንት ፖስተኞችን ምስል የያዘ ሲሆን ባለ 15 ሣንቲም፣ ባለ 35 ሣንቲም፣ ባለ አንድ ብር፣ ባለሁለት ብር እና ባለሶስት ብር መጠን አላቸው፡፡
ቴምብሮቹ በአሁን ሰዓትበህትመት ሂደት ላይ ይገኛሉ፡፡

ዲዛይናቸው የተሰራው በአርቲስት ቦጋለበላቸው አማካኝነት ነው፡፡ብዛታቸውም በሴሪ 100,000 ነው፡፡ኒውዚላንድ የሚገኝ ሣውዘርን ከለር ማተሚያ ቤት ህትመቱን ለመስራት እንዳሸነፈ ታውቋል፡፡

የኢትዮጵያ ፖስታ አገልግሎት ድርጅት የተመሰረተበትን 125ኛ ዓመት ዘንድሮ ያከብራል፡፡

     የኢትዮጵያ ፖስታ አገልግሎት ድርጅት በ1886 ዓ.ም መጋቢት ወር ላይ በህግ የተቋቋመ ሲሆን፣ አላማውን የፖስታ አገልግሎት ለመስጠት አድርጐ የተመሰረተ ድርጅት ነው፡፡ የፖስታ ስራ በህግ ከመቋቋሙ በፊት የመልዕክት ማመላለስ ስራ ይሰራ የነበረው የቤተመንግስት መልዕክተኞች የመንግስትን ሰነዶች ከአንድ ቦታ ወደ ሌላ ቦታ

 

በሚያመላልሱበት ወቅት 125 LOGOእንደነበር መረጃዎች ያሣያሉ፡፡

      ከ1886 ዓ.ም  ጀምሮ ፖስታዎች ይመላለሱ የነበሩት መልዕክተኞች ወይም ፖስተኞች ተብለው በሚታወቁ ሰዎች ነበር፡፡  ፖስተኞቹ አስቸጋሪ መልክአ ምድሮችንና የአየር ጠባዮችን በመጓዝ ደብዳቤዎችን ያደርሱ ነበር፡፡

     መልዕክታቸውን በስንጥቅ ዘንግ አጣብቀው የመልዕክቱ ደህንነት ተጠብቆ እንዲደርስ የተቻላቸውን ሁሉ ያደርጉ ነበር፡፡  በጊዜው በአህያ፣ በበቅሎ እና በሌሎችም የጋማ ከብቶች በመታገዝ ስራቸውን በአግባቡ ይወጡ እንደነበር መረጃዎች ይጠቁማሉ፡፡

     ድርጅቱ ስራውን ሲጀምር የመጀመሪያዎቹን የአገልግሎት መስጪያ ጣቢያዎች የከፈተው በሐረር እና በእንጦጦ ነበር፡፡

     የጅቡቲ አዲስ አበባ የባቡር መስመር ስራ መጀመሩም የፖስታው እንቅስቃሴ ፍጥነት እንዲያገኝ እረድቶታል፡፡  ድርጅቱ አገልግሎቱን  ለማስፋፋት  የዓለም ፖስታ ህብረት አባል በ1901 ዓ.ም በመሆኑ አለም አቀፍ መልዕክት መላክ እንዲጀመር ረድቷል፡፡

     በ1886 ዓ.ም የታተሙት የመጀመሪያዎቹ ቴምብሮችም በአለም አቀፍ ደረጃ ድርጅቱ የህብረቱ አባል ከሆነ በኋላ መሰራጨት ጀምረዋል፡፡

    ድርጅቱ በ1973 ዓ.ም በተመሰረተው የመላው አፍሪካ ፖስታ ህብረት አባል በመሆንም አለም አቀፍ ተሣታፊነቱን አጠናክሯል፡፡

     በ1945 ዓ.ም የፖስታ አገልግሎት ከቴሌኮሙኒኬሽን ተለይቶ ራሱን ችሎ ተቋቁሟል፡፡  በ1958 ዓ.ም የፖስታ ማቋቋሚያ አዋጅ በመውጣቱም  የድርጅቱ ስራዎች በጉልህ ተለይተው እንዲቀመጡ አድርጓል፡፡ 

    በ1981 ዓ.ም እየተስፋፋ የመጣውን የፈጣን መልዕክት ስራ ለመቋቋምም የፈጣን መልዕክት ስራ በኢትዮጵያ ተጀምሯል፡፡

     ድርጅቱ በተለይ መሰረታዊ አሰራር ሂደት ለውጥ ጥናትን ተግባራዊ ካደረገ በኋላ በርካታ አዳዲስ ስራዎችን የመስራት እና ነባር አገልግሎቶችን ደግሞ አጠናክሮ ቀጥሏል፡፡  የውክልና ስራዎች መስፋፋት፣ የፖስትባስ መጀመር፣ የቤት ለቤት ስራ መጀመር ዘመናዊ አሰራሮችን መከተል ተጠቃሾቹ ናቸው፡፡

    የኢትዮጵያ ፖስታ አገልግሎት ድርጅት በአሁን ሰዓት 1276 አገልግሎት መስጪያ ጣቢያ እና 2770 ሰራተኞች ያሉት ሲሆን በአዋጅ ቁጥር 165/2001 ዓ.ም መሰረት በቦርድ የሚተዳደር መንግስታዊ የልማት ድርጅት ሆኗል፡፡

    ድርጅቱ በ125ኛ ዓመቱን አስመልክቶ በዓሉን ለማክበር የተለያዩ መርሀ ግብሮችን ነድፎ እየተንቀሣቀሰ ይገኛል፡፡

 አጭር መግለጫ ስለ ኢትዮጵያ ፖስታ አገልግሎት ድርጅት

•በኢትዮጵያ ፖስታ አገልግሎት መደበኛ ስራ ባልጀመረበት ዘመን የመልዕክት ልውውጥ ይካሄድ የነበረው በጊዜው ፖስተኛ እየተባሉ በሚጠሩ መልክቶችን በተሰነጠረ እንጨት ከጭንቅላታቸው በላይ ከፍ አርገው በመያዝ ከቦታ ቦታ በሚዘዋወሩ ሰዎች አማካኝነት ነበር፡፡
•የጥንቱ ፖስተኛ የሰውነት አቋሙ ፈርጣማ የሆነ እና በጉዞ ወቅት አውሬና ሽፍታ ቢገጥመው ለመከላከል የሚያስችለው ዱላ፣ስለታማ መሳሪያ የታጠቀ ነበር፡፡
•ዳግማዊ ሚኒሊክ ባስተላለፉት ትዕዛዝ መሰረትም በየቦታው ያሉ አስተዳዳሪዎች ድጋፍ ያደርጉላቸውም ነበር፡፡
•ፖስተኞቹ ከሰውነት አቅማቸው ጥንካሬ ባሻገር ለስራው ፍቅር ያላቸው ታታሪዎች እንዲሁም ታማኝነትን አጣምረው የያዙ ነበሩ፡፡
•ፖስተኞች መንገዶች በውል ባልተዘረጉበት ወቅት አስቸጋሪ የአየር ጠባይን እና መልክአ ምድርን ተቋቁመው ረዣዥም ጉዞዎችን በእግር፣ በፈረስ፣ በግመል እና በበቅሎ በመጓዝ ነበር የፖስታ አገልግሎት ሲሰጡ የነበሩት፡፡
•የኢትዮጵያ ፖስታ አገልግሎት ድርጅት የአለም ፖስታ ህብረት ከተቋቋመ ከሀያ ኣመት በኋላ በዳግማዊ ሚኒሊክ ዘመን መጋቢት 1 ቀን 1886 ዓ.ም. በህግ ተቋቋመ፡፡
•በ1901 ዓ.ም ኢትዮጵያ የአለም የፖስታ ህብረት አባል ሀገር ሆነች
•ከአዲስ አበባ ጂቡቲ የተዘረጋው የባቡር መስመርም የፖስታ ስራ በተሻለ ፍጥነት እየተስፋፋ እንዲመጣ ትልቅ አስተዋጽኦ አድርጓል፡፡
•የኢትዮጲያ ፖስታ አገልግሎት በ1958 በወጣ አዋጅ በፖስታ ቴሌግራምና ቴሌኮምኒኬሽን ሚኒስቴር ውስጥ ራሱን የቻለ ድርጅት ሆኖ ተቋቋመ ፡፡
•አሁን ፖስታ ቤት እየተባለ የሚጠራው ዋና ፖስታ ቤት በ1962 ተገንብቶ ለአገልግሎት በቅቷል፡፡
•የድርጀቱ ዋና መስሪያቤት ህንጻ ከተገነባ ከአምስት ዓመት በኋላ በ1967 ዓ.ም በህንጻው ምድር ቤት ለፖስታ ሙዚየምነት የሚያገለግል ሙዚየም በማደራጀት ስራውን ጀምሯል፡፡
•ብሔራዊ የፖስታ ሙዚየም በድርጅቱ ከ 1886ዓም ጀምሮ እስከ 2011ዓ.ም ድረስ የታተሙ ቴምብሮች፣ ከአለም ፖስታ ህብረት አባል ሀገራት የተወጣጡ ቴምብሮች ፣ ኦርጂናል የቴምብር ዲዛይኖች እና የፖስታ መገልገያ ቁሳቁሶች ይገኙበታል፡፡
• ሰኔ 26 ቀን 1981ዓ.ም የፈጣን መልዕክትኢትዮጵያ አገልግሎት ወይም ኢኤም ኤስ ኢትዮጵያ ተቋቋመ፡፡
• ኢኤም ኤስ በድሬዳዋ፣ በሐረር፣ በጅማ እና በባህር ዳር አገልግሎቱን እንዲሰጥ የተደረገ ሲሆን፤ ከሀገር ውጪም በ150 ሀገራት አገልግሎቱን ይሰጥ ነበር፡፡
•ኢኤም ኤስ ኢትዮጵያ በአሁኑ ጊዜ ከ170 በላይ ሀገራት የሚደርስ ሲሆን በሀገር ውስጥም 1029 በላይ አገልግሎት መስጪያ ጣቢያዎች አሉት፡፡
•የመሰረታዊ አሰራር ሂደት ጥናት ትግበራ በድርጅቱ በ2000 ዓም ተካሂዷል፡፡ በዚህም አመርቂ ውጤት ማስገኘት ተችሏል፡፡
•የኢትዮጵያ ፖስታ አገልግሎት ድርጅት በ2001ዓ.ም በአዋጅ ቁጥር 165/2001 መሰረት መንግስታዊ የልማት ድርጅት ሆኖ በድጋሚ እንዲቋቋም በማድረግ በአዋጅ ቁጥር 240/1958 የነበሩት ተግባራት እና ጥቅሞች እንዳሉ ተዟውረዋል፡፡
• የፖስት ባስ አገልግሎት ከህዳር 2001 ዓም ጀምሮ ኮስትር እየተባሉ በሚጠሩ መካከለኛ አውቶብሶችና መደበኛ ስራውን ወደ ሀዋሳ፣ ድሬዳዋ እና ባህርዳር ጀምሯል፡፡
•በ1980 ዓም የመላው አፍሪካ ፖስታ ህብረት መስረች አባል ሆኗል፡፡
• የኢትዮጵያ ፖስታ አገልግሎት ድርጅት በተለያዩ አገልግሎት ጥራትና አለም አቀፍ ግዴታዎችን በብቃት በመወጣቱ ከተለያዩ የአለም አቀፍ ድርጅቶች እውቅናና የምስክር ወረቀቶችን አግኝቷል ፡፡

የህዝብ ክንፍ መድረኩ መፍትሄ መፈለጊያ መሆን ይገባዋል

በድሬዳዋ ዞን ፖስታ ቤቶች ጽህፈትቤት አስተባባሪነት የሐረር፣ የአዳማ፣ የአሰላ እና የድሬዳዋ ዞን ፖስታ ቤቶች ደንበኞች እና የህዝብ ክንፍ አካላት ስብሰባ በድሬዳዋ ከተማ የካቲት 28 ቀን 2011 ዓ.ም ተካሂዷል፡፡ ውይይቱ ከላይ የተጠቀሱት ዞኖች ደንበኞች እና ያገባኛል ባዮች በተገኙበት የተካሄደ ሲሆን የድርጅቱ የኮሙኒኬሽንና የዓለም አቀፍ ግኑኝነት ቺፍ ኦፊሰር ከዚህ ቀደም በተመሣሣይ መድረክ የቀረቡ ጥያቄዎች አፈታት እና የድርጅቱን የስድስት ወር አፈፃፀም አቅርበው በተሣታፊዎች ውይይት ተካሂዷል፡፡
በኢኤምኤስ የስራ ሂደት በመልዕክት መዘግየት እና መጥፋት ጋር በተያያዘ፣ በመናኸሪያዎች ስለሚታየው የመልዕክት ቅበላ እና ስምሪት፣ ማህበራዊ ድጋፎችን በተመለከተ፣ የሐረር ከተማን የህንፃ ግንባታ አስፈላጊነት በተመለከተ፣ ከማህበራዊ ዋስትና ስራዎች ጋር በተያያዘ፣ ጥያቄዎች የተነሱ ሲሆን በስብሰባው ላይ ተሣታፊ የነበሩ የድሬዳዋ፣ የሐረር ዞን ሀላፊዎች፣ የኢ.ኤም.ኤስ የስራ ሂደት ስራ አስኪያጁ እንዲሁም የድርጅቱ የኮሙኒኬሽን እና አለም አቀፍ ግንኙነት ቺፍ ኦፊሰር ምላሽ ሰጥተዋል፡፡
ድርጅቱ በረዥም እና በአጭር እቅድ የሚመልሣቸውን ጥያቄዎች በመቀመር ለሚመለከታቸው የስራ ሂደቶች እና የዞን ጽ/ቤቶች ጥያቄዎችን የሚያከፋፍል ሲሆን አፈፃፀሙንም ቀጣይ በሚኖር መድረክ በማቅረብ የድርጅቱ አገልግሎት ጥራት እንዲጨምር እና የመልካም አስተዳደሩ ስራ እንዲጠናከር እያደረገ ይገኛል፡፡

የብሔር፣ብሔረሰቦችና ሕዝቦች ቀን በዓል ተከበረ

በመላው ሀገሪቱ ለ11ኛ ጊዜ እና በዋናነት በሐረሪ ክልል እየተከበረ ያለው የብ/ብ/ሰቦችና ህዝቦች ቀን በዓልን በተመለከተ የኢትዮጵያ ፖስታ አገልግሎት ድርጅት ሰራተኞች “ህገመንግስታችን፣ ለዴሞክራሲያዊ አንድነታችንና ለህዳሴ ያችን” በሚል መሪ ቃል በዕለቱ ሐምሌ 29 ቀን 2009 ዓ.ም በድርጅቱ የስብሰባ አዳራሽ በፓናል ውይይት በድምቀት አከበሩ፡፡

     በዕለቱም የድርጅቱ የድጋፍ ሰጪ ዘርፍ ስራ አስፈፃሚ አቶ ታደለ አሰፋ “ህገ መንግስት፣ ብዝሃነትና ዴሞክራሲያዊ አንድነት” በሚል ርዕስ የተዘጋጀውን ሰነድ ለፓናል ውይይት አቅርበዋል፡፡ 

     በውይይቱም የኢ.ፌዲሪ ህገ መንግስት ዋና ዋና ባህሪያትን፣ ህገ መንግስትና ብዝሃነት፣ የብዝሃነት ጥያቄዎችና አያያዛቸው፣ ስኬቶች፣ ያጋጠሙ ተግዳሮቶችና ቀጣይ አቅጣጫዎችን አስመልክቶ በቀረበው ሰነድ ላይ በስፋት ውይይት ተካሄዶባቸዋል፡፡

    በበዓሉም የሻማ ማብራትና የዳቦ ቆረሳ ስነ-ስርዓት በአቶ ታደለ አሰፋ እና በመሰረታዊ ሰራተኞች ማህበር ሊቀመንበር ወ/ሮ ዝናሽ አሰፋ የተከናወነ ሲሆን የጥያቄና መልስ ውድድር ስነስርአት ተካሂዶ ለተወዳዳሪዎችም ሽልማት ተበርክቷል፡፡  

2011. Custom text here
Joomla 1.7 templates free by Joomla Template Maker and Free Joomla Templates