የትራንስፖርትና መገናኛ ሚኒስቴር ዴኤታዎች  ክቡር አቶ ጌታቸው መንግሥቴና ክቡር አቶ ፒተር ጋትኮት በኢትዮጵያ ሕዝብ መዝሙር በመታጀብ የሰንደቅ ዓላማ አሰቃቀል ሥርዓቱን አከናውነዋል፡፡ ክቡር አቶ ጌታቸው መንግሥቴ የትራንስፖርትና መገናኛ ሚኒስቴር የትራንስፖርት ዘርፍ ሚኒስትር ዴኤታ በሰንደቅ ዓላማ አከባበር ሥርዓቱ ላይ እንደተናገሩት ጀግኖች አባቶቻችንና እናቶቻችን ሀገር ወዳድ የሆኑ ህዝቦች ከጊዜ ወደ ጊዜ እናት ሀገራቸው ላይ የሚጋረጡ ጠላቶችን ሲመክቱና ከደም ጠብታ እስከ ህይወት መስዋዕትነት ሲከፍሉ የነበሩት ለሰንደቅ ዓላማቸው ክብርና ፍቅር የተነሳ መሆኑን አውስተዋል፡፡ በተጨማሪም የዛሬው ትውልድም ድህነትን በማጥፋቱ ዘመቻ በጽናት በመታገል ሰንደቅ ዓላማችን በኩራት እንዲውለበለብ የበኩሉን ድርሻ እንዲወጣ መልዕክታቸውን አስተላልፈዋል፡፡

በተያያዘ ዜናም በዕለቱ ከቀኑ8፡30 እስከ 9፡30 በፖስታ አገልግሎት ድርጅት ዋና መ/ቤት የሚገኙ ከፊል ሠራተኞች የሰንደቅ ዓላማ ቀን በዓልን አስፈላጊነትና ትርጉም በተመለከተ የፓናል ውይይት አካሂደዋል፡፡

የዋናው መሥሪያ ቤት ካውንተር ሠራተኞች “ለደንበኛ ክብር እንስጥ” በሚል መሪ ቃል የቡና ጠጡ ፕሮግራም አዘጋጁ

በዕለቱ ከጠዋቱ 2፡30 ጀምሮ በካውንተር ላይ ለደንበኞች ቡና በመጋበዝ እና ቀርቦም በማነጋገር ከዚህ ቀደም የነበሩ ስህተቶችን አርመው የተሻለ አገልግሎት ለመስጠት መዘጋጀታቸውን አስረድተዋል፡፡

የካውንተር ሠራተኞቹ እርስ በእርስ ግምገማ ያካሄዱ ሲሆን በግምገማው ሂደትም ሠራተኛው አሉብኝ ያላቸውን ችግሮች፣ ከቅርብ ኃላፊዎች ጋር ያለ የግኑኝነት ድክመት እንዲሁም በዞኑና በድጋፍ ሰጪ መካከል የታዩ ችግሮችን በማቅረብ ግልጽ ውይይት እንደተደረገባቸው ገልጸዋል፡፡

ሠራተኞች ለሥራቸው ቅልጥፍና አመቺ የሆኑ ቁሶችና አልባሳቶች እንዲሟሉላቸውም ጥያቄያቸውን አቅርበዋል፡፡

በዕለቱ የኢትዮጵያ ፖስታ አገልግሎት ድርጅት ዋና ሥራ አስኪያጅ አቶ ግደይ ገ/ዩሐንስ ሠራተኞች በራሳቸው ተነሳሽነት የፈፀሙት ተግባር ሊበረታታ እንደሚገባው ገልጽው፤ ይህ ድርጅቱ ላሰበውም ዓላማ መሳካት ከፍተኛ ጠቀሜታ እንዳለው ገልጸዋል፡፡

አመራሮች ተሸለሙ

የኢትዮጵያ ፖስታ አገልግሎት ድርጀት ሠራተኞች በ2001 በጀት ኣመት ድርጅቱ ጥሩ ውጤት እንዲያገኝ ከፍተኛ አስተዋጽኦ ላደረጉ የበላይ አመራሮች በራሳቸው ተነሳሽነት መዋጮ በማሰባሰብ ሽልማት አበረከቱ፡፡

መስከረም 23/2002 በዋናው ፖስታ ቤት በተደረገ ስነስርዓት ለኢትዮጵያ ፖስታ አገልግሎት ድርጀት  ዋና ሥራ አስኪያጅ አቶ ግደይ ገ/ዮሐንስ እና ለድጋፍ ሰጪ ዘርፍ ሥራ አስፈጻሚ አቶ ታደለ አሰፋ  እንዲሁም ለሠራተኛ ማህበር ሽልማቱን በትራንስፖርትና መገናኛ ሚኒስቴር ሚኒስትር ክቡር አቶ ድሪባ ኩማ ናቸው፡፡ ሚኒስትሩ ባደረጉት ንግግር ፖስታ አገልግሎት ድርጅት #ቀይ መብራት; በርቶበት እንደነበር አስታውሰው አሁን ግን መለወጥ እንደሚችል ያሳየ መሆኑን ገልጸዋል፡፡ አያይዘውም በሌላው ዓለም የሚገኙ የፖስታ አስተዳደሮች ዘርፈብዙ አገልግሎት በጥራት እንደሚሰጡና የኢትዮጵያ ፖስታም ወደዚያ ለመድረስ ጥሩ ተስፋ እናዳለው ገልጸዋል፡፡

በዕለቱ የሸላሚው ኮሚቴ ባስተላለፈው መልዕክት ድርጅቱ ከ2001 በጀት ዓመት ጋር ሲነፃፃር ከ100% በላይ እድገት ሊሳይ የቻለው የኢፊዲሪ መንግስት ለዘርፉ ከፍተኛ ትኩረት በመስጠቱ፣ የትራንስፖርትና መገናኛ ሚኒስትር የቅርብ ክትትል በማድረጉ፣ የድርጅቱ የሥራ ኃላፊዎች በሁሉም የሥራ ክፍል በመገኘት በቅርብ ሆነው የሠራተኛውን ሞራል የሚጠብቅ እገዛ በመስጠታቸው፣ ቦርዱም ገንቢ አቅጣጫ ማሳየት በመቻሉ እንዲሁም የማኔጅመንት አባላት በትጋት መምራት በመቻላቸው እንደሆነ ገልጸዋል፡፡ ይህ በመሆኑም ለዚህ ውጤት ያበቁትን ከፍተኛ የሥራ አመራሮች ለማመስገን የተዘጋጀ ፕሮግራም እንደሆነ ተገልÍል፡፡የኢትዮጵያ ፖስታ አገልግሎት ድርጅት አቶ ግደይ ገብረዮሐንስ በበኩላቸው ባስተላለፉት  መልዕክት የተበረከተላቸው ሽልማት ለበለጠ ሥራ እንደሚያነሳሳቸው ጠቅሰው የድርጅቱ ሠራተኛ ከፍተኛ ኃላፊነት እንደጣለባቸው ገልጸዋል፡፡

በፕሮግራሙ ለጠቅላይ ሚኒስትር አቶ መለስ ዜናዊ፣ ለትራንስፖርትና መገናኛ ሚኒስትር አቶ ድሪባ ኩማ፣ በትራንስፖርትና መገናኛ ሚኒስቴር  ሚኒስትር ዴኤታዎች ለአቶ ፒተር ጋት ኮት እና ለአቶ ጌታቸው መንግሥቴ፣ የኢትዮጵያ ፖስታ አገልግሎት ድርጅትየቦርድ ሊቀመንበር ለሆኑት ለአቶ ደብረጽዮን ገብረሚካኤል የተለያዩ ሽልማትቶች ከሠራተኛው ተበርክቷል፡፡